17. ‘Parisen bizi naiz’, Koldo Izagirre

http://www.ivoox.com/17-parisen-bizi-naiz-koldo-izagirre_md_2549202_1.mp3″ Ir a descargar

Koldo Izagirrerekin aritu gara argitaratu berri duen ‘Parisen bizi naiz’ poema liburuaz, luze eta zabal. Tartean atera dira gai asko, Donostia, hiriak, memoria, bakea, kultur ereduak, umorea eta gehiago. Elkarrizketa luzatu egin zaigu (38 minutu guztira), eta ordu beteko irratsaioan ezin izan dugu osorik jarri. Hemen entzun dezakezue, ordea, oso osorik. Horrez gain, Lander Arretxeak erreportajea egin digu orain gutxi Irati Jimenezek argitaratu duen ‘Aiztoa eta arkatza’ liburua oinarri hartuta, eta izenburu deigarria jarri dio: ‘Nola izan euskal idazle ona’. Saioaren hondarrean, ohi moduan, ITU bandakoak izan ditugu gurean, papereratutakoak uhinetan zabaltzen.

On egin!

ITU bandaren seigarrena

http://www.ivoox.com/itu-bandaren-seigarrena_md_2549124_1.mp3″ Ir a descargar

Bata bestearen gainean kristalaren kontra zanpatuta ezker hanka lagunaren buruaren gainean eskuin besoa eserlekuaren azpian, halaxe aritu dira ITU bandakoak beren seigarrenean, horrela aritu dira baina ez horregatik makalago, totelago, herrenago, kamutsago, ez, kontrara adiskideok, inoiz baino jario gozoagoz busti dituzte Info7ren estudio nanoko mikroak (lerdez) hormak (poesiaz) belarriak (bizitzaz) etc, batez ere etc adiskideok.

Beti etc.